Шарқ мумтоз адабиётида уйғур адабийтининг, хусусан, уйғур шеъриятининг ўзига хос ўрни ва мавқеи бор. Уйғур шеърияти умумтуркий шеърият илдизларидан озиқланиб ривож топгани учун ҳам унда лисоний соддалик, анъанавийлик яққол сезилиб туради. Айни пайтда, бу асарларда уйғур халқининг тақдири билан боғлиқ ижтимоий оҳанглар ҳам кўзга ташланиб туради. Ушбу тўпламдан Хирқатий, Залилий, Навбатий, Муҳаммад Содиқ Қашғарий, Саид Муҳаммад Қоший, Билол Нозим, Хўжа Жаҳон Яъқуб Арший, Хислат Қашғарий каби шоирларнинг ранг-баранг жанрларда яратилган асарлари ўрин олган.