Ўзбекистон халқ шоири Тўлан Низомнинг "Темир йўл" достони мамлакатимиз жанубий сарҳадлари бўйлаб дунёга чиқадиган янги темир йўл қурилиши ҳақида. Шоир бундан аввалроқ Қамчиқ довони узра бунёд бўлган тарихий автойўл тўғрисида "Довон" достонини яратган эди. Ҳар иккала асарда ҳам юртбошимиз Ислом Каримовнинг тарих олдидаги унутилмас, буюк иши - улуғвор фаолияти ўзига хос бадиий акс эттирилган. Шунингдек, мустақиллик йилларида халқимиз бунёдкорлиги, меҳнат жасоратлари, эришилган оламшумул натижалар шоирона маҳорат билан тараннум қилинади. Ушбу достон ўқувчида Ватан туйғусини, келажакка бўлган ишончни янада кучайтиради, элу юртга бўлган садоқатни улғайтиради.