Инв.: 6357 об

Адади: 1500 нусха

Яхши китоб билан учрашув китобхон учун маънавий байрам бўлиши, шубҳасиз. Ўзбекистон халқ шоираси Ойдин Ҳожиеванинг қўлингиздаги "Тонг туҳфалари" тўплами сизга ана шундай завқли онларни туҳфа этиши аниқ. Болаликнинг беғубор онлари акс этган бадиа, эсселар, ўсмирликнинг ўйчан фаслларида хотирага мухрланган ҳамқишлоқлари ҳақидаги гўзал лавҳалар мазкур китобдан ўрин олган. Ижодкор билан бирга унинг дунёси, муҳаббати улғаяди. Ҳар бир даврнинг қаҳрамонлари, қувонч-ташвишлари бўлади. Асар муаллифи ўз замондошлари бўлган аёллар дунёсига меҳрли нигоҳ билан қарайди. Уларнинг муаммоларини оғриқ билан қаламга олади, зиёли, ижодкор, фаол аёл сифатида бу муаммоларга ечим излайди. Ана шу жараёнлар, кайфиятларнинг самараси ўлароқ яратилган бадиий, публицистик мақоллари ҳам асар мундарижасини бойитган. Шоиранинг устозлари, ҳаёт йўлларида қўллаган, йўлдош бўлган азиз инсонлар ҳақидаги иссиқ хотиралари ҳам ушбу китобга алоҳида файз бахш этган. Илк шеъридан бошлаб то шу кунгача Сиз билан қалбан ҳамиша бирга бўлган шоиранинг янги китоби хонадонингизга, кўнглингизга яқин дўст сифатида кириб боришига ишонамиз.