Инв.: 5422 об

Адади: 5000 нусха

Таниқли адиб Аҳад Ҳасаннинг "Кўҳна Бухоро қиссалари" насрий тўплами мавзу жиҳатдан бир-бирига яқин икки қисса ҳамда бир неча бадиалардан иборат. Қиссаларда ҳикоя қилинган воқеалар ХХ асрнинг биринчи чорагида Бухоро амирлигида бўлиб ўтади. "Сочи оқарган бола" қиссаси қаҳрамони Қаноат табиий офат - қишлоқни қум босиши туфайли касалманд онаси билан қум босган уй ичида қолса-да, тушкунликка тушмай, нажот топиш учун матонат билан курашади. Шу аснода бутун ҳаёти, мархум отаси билан бғлиқ хотиралар кўз ўнгидан бир-бир ўтади. Алалхусус, оддий қишлоқ боласи ҳаёти ҳам мазмун ва ҳикматдан ҳоли эмаслиги бадиий тарзда акс эттирилган асар номи рамзий маъно касб этади. "Ўткан кунлардан қолган эртаклар" қиссасида севгилиси Ҳанифа зўрлик билан амир ҳарамига олиб кетилган ёш йигит Темурнинг саргузаштлари тасвирланган. Йиллар ўтиб, замон эврилишлари натижасида қочиб кетаётган амир ҳарами Темур бошлиқ аскарлар томонидан қўлга олинади. Бироқ у ўз Ҳанифасини топадими? Қизиқарли саргузашт унсурлари қиссалар ўқимишли бўлишини таъминлаган.